فيديو حقيقة عبد الناصر للشيخ وجدي غنيم 29-9-2012
- ليه بنكره الناصرية
عشان عبد الناصر خان محمد نجيب و الاخوان و انقلب عليهم
عشان عبد الناصر كان ديكتاتور و اسس لحكم الفرد بقوة السلاح
عشان عبد الناصر قمع و قتل المعارضين و اعدم علماء و مفكرين الاسلام
عشان كان عصره كله انحلال خلقي و صلاح نصر اكبر دليل
عشان رغم ان كان في ايده يطبق الشريعة و لم يحاول حتى
ليه بنكره البرادعي
عشان فكره علماني
عشان العلمانية عايزة تفصل الدين عن الدولة
عشان مش عاوز يطبق الشريعة و عايزها مبادئ فقط زي اللي في اي دين او مذهب فكري
عشان مش راضي يتعاون مع التيارات الاسلامية و كل حاجة عنده انتقاد
عشان مش عاوزين دولة اتاتورك في مصر و مش عايزين تبعية للغرب
لكن !!!
ان كان قصدك من الناصرية استقلال الارادة الوطنية عن الغرب انا معاك
ان كان قصدك من الناصرية مشروعات قومية للبلد فانا معاك
ان كان قصدك من الناصرية العدالة الاجتماعية دون ظلم للاغنياء انا معاك
ان كان قصدك من العلمانية التطور العلمي انا معاك
ان كان قصدك من العلمانية الحرية دون تجاوز ضوابط الاسلام انا معاك
ان كان قصدك من العلمانية التقدم الاقتصادي الغير مرتبط بتبعية للغرب و الصهيونية العالمية انا معاك
ان كان قصدك من العلمانية التسامح مع المسيحيين و اعطاؤهم حقوقهم و هذا من الاسلام انا معاك
كتير منكم مش فاهمنا و كتير مننا مش فاهمكم يا ريت اكون قربت المسافات بين العقلاء فيكم و العقلاء فينا لكن هناك من بينكم من يحرض لكرهنا .. الاسلام هو منهج الحياة الذي وضعه الله رحمة بنا و لمصلحتنا في هذه الدنيا و في الاخرة و الدنيا ما هي الا لحظات من العمر الابدي الذي سنشهده في الاخرة .. دعونا نعيد للأمة الاسلامية امجادها و نكون بحق خير أمة أخرجت للناس .. الرموز التي نتبعها هي سبب صراعنا و تقاتلنا فليذهبوا للجحيم و نتفاهم نحن المصريين المسلمين مع بعضنا البعض فهم سيرحلون و يتركون صراعا بيننا و تقاتلا سيقضي علينا و هم لن يكترثوا فلننصر اي شخص ما دام قال الحق و لا ننتصر لاي رمز في الباطل فبذلك يجمعنا الحق و حبل الله و ليس الرموز و اعتصموا بحبل الله جميعا و لا تفرقوا .... و تذكروا المستفيد من هذا التناحر و الصراع هم الصهاينة الذين ليسوا ببعيد من هذه الصراعات و الذين يريدونا قطعة شطرنج يحركوها كما يشاؤون في نظامهم العالمي الجديد ..
