دعا الشاعر الغنائي والسيناريست أيمن بهجت قمر، لعدم تعاون الشعراء والملحنين مع النجم الكبير عمرو دياب في ألبومه الغنائي الجديد.وكتب أيمن على صفحته الرسمية على موقع التواصل الاجتماعي Facebook "لما تكون فنان مصري كبير وتقبل تبيع أغانيك وتاريخك لـ(مردوخ) الإسرائيلي، دي حريتك الشخصيه، لكن أنا أغانيا دي أنا سايبها لبلدي ولولادي من بعدي أنا مابابيعش تاريخي".
وتابع "أنا وعمرو مصطفى ومحمد يحيى مش هنشتغل في سي دي عمرو دياب الجديد، ونصيحه لكل زملائي الشباب الجداد، إحنا إتضحك علينا زمان عشان ماكانش فيه حد عنده ضمير ونصحنا، محدش يمضي أمر النشر الخاص بروتانا اللهم بلغت".
وأوضح الشاعر والسيناريست من التعليقات "أمر النشر ده معناه إنك بتتنازل عن كافة حقوقك إنت وولادك وأحفادك، إحنا قريب هنعمل إجتماع (إريبيان رايتس)، وهندعو فيه كل اللي عايز يحضر، وهنشرح للشباب حقوقهم إيه واللي ليهم واللي عليهم".
وأضاف "والله عمرو ده أكبر مطرب في الوطن العربي، بس موقفه كان في صف الشركة، وده موقف صدمني كان لازم يبقى في ضهرنا، عموما الموضوع مالوش علاقه بهجوم على حد كل مافي الموضوع إني بوعي الشباب".
